En Balbordo Manga seguimos a mergullarnos no universo de Guardianes de la noche
O pasado 16 de outubro, os integrantes do club de lectura Balbordo Manga reuníronse para compartir unha nova sesión de lectura e conversa arredor de Guardianes de la noche (Kimetsu no Yaiba), a coñecida serie manga creada por Koyoharu Gotouge.
Nesta ocasión, o encontro centrouse no repaso dos dez primeiros capítulos da serie, unha oportunidade para lembrar os acontecementos máis importantes, comentar a evolución dos personaxes e intercambiar impresións sobre unha historia que combina acción, aventura, emoción e superación persoal.
A través das experiencias de Tanjiro Kamado e da súa irmá Nezuko, o grupo puido afondar en temas como os vínculos familiares, a valentía, o esforzo e a loita por superar as dificultades.
Unha nova xornada para compartir lecturas, descubrir detalles das historias e gozar do manga en compañía. Porque en Balbordo Manga cada capítulo é unha escusa perfecta para conversar, debater e seguir alimentando a paixón pola lectura.
Ningún comentario:
Publicar un comentario