Club de Lectura Balbordo

O pasado 29 de abril, celebrouse no Palacio de Congresos e Exposicións de Galicia, en Santiago de Compostela, a reunión anual do profesorado que coordina os clubs de lectura dos centros que participan no programa de Clubs de Lectura, da Consellería de Educación, Ciencia, Universidades e Formación Profesional. Neste curso 2025/2026 recibiron asignación, a través da convocatoria do programa, un total de 552 centros que matriculan alumnado de Educación Primaria, ESO, BAC, FP, Ensinanzas de Persoas Adultas e Ensinanzas de réxime especial (Conservatorios e Escolas de idiomas). Esta XVIII Xornada dos Clubs de Lectura reunirá así a arredor de 600 persoas, entre participantes, relatores e persoas asesoras de formación do profesorado.

Entregousese, así mesmo, o Premio dos Clubs de Lectura 2026, que desta vez recaeu no escritor Manuel Rivas por ser o autor galego máis lido nos clubs de lectura no curso 2024/2025, tal e como se recolle na Resolución do 22 de abril de 2026, que explica as particularidades deste premio, que xa recibiron Agustín Fernández Paz, Ledicia Costas, Miguelanxo Prado, Carlos Negro, María Reimóndez, Andrea Maceiras, Eva Mejuto, Antía Yáñez, Manuel Núñez Singala, Arantza Portabales e Paula Carballeira.

A xornada comezou cunha conversa virtual co autor premiado, continuaremos coa intervención do mediador e coordinador do Premio Mandarache Alberto Soler, disfrutaremos dunha conversa arredor doutros clubs de lectura en librarías e bibliotecas públicas e unha charla sobre clubs de lectura fácil. Pola tarde tivemos sesións simultáneas coa experiencia de nove centros integrados no programa e a presentación da plataforma M8 por ler. O peche da xornada deu voz ás persoas que participan nos clubs de lectura.

Fonte: XVIII Xornada des Clubs de lectura

A esta xornada acudiu a coordinadora dos Clubs de Lectura, Pilar López.

O venres 27 de febreiro de 2026 os membros do club de lectura Balbordo de adultos vén de participar nun novo encontro arredor do libro Runrún, da autora Ana Varela. Lectura que nos recomendou no seu momento Arantza Portabales.

Nesta sesión compartimos impresións sobre unha obra intensa e suxestiva que nos convida a reflexionar sobre as relacións humanas, as emocións que nos atravesan e as decisións que marcan o noso camiño. A lectura deu pé a un diálogo enriquecedor no que analizamos tanto os aspectos literarios —a estrutura narrativa, a construción das personaxes e o ritmo da historia— como os temas de fondo que a obra propón. Falouse de amor, angustia, de xogar ó límite, de como os hipocondríacos identificaron sinais de enfermidade antes que o resto e da aparición de dúas personaxes non humanas como o ruído e os olores.

O Club de Lectura do profesorado continúa así consolidándose como un espazo de encontro, reflexión compartida e crecemento profesional e persoal a través dos libros. Xa estamos a preparar a próxima lectura, coa mesma ilusión por seguir descubrindo historias que nos fagan pensar e sentir.

Queremos darlle as grazas a Ana Varela por agasallarnos coa súa presenza na reunión-cea arredor de Runrún e a Conchi e as súas conexións en Narón e Valdoviño que nos permitiron conectar con Ana.

Ana, agardamos ilusionados e expectantes a seguinte obra...

Deixámosvos algunha fotografía do momento.