HISTORIA DE UNA MAESTRA. JOSEFINA ALDECOA.

Este libro de Josefina Aldecoa que compartimos na reunión dos profesores e pais foi unha boa oportunidade para charlar sobre temas que nos preocupan como docentes, sobre cuestións da nosa profesión que, moitos anos despois, continúan sen avanzar tanto como desexariamos. 

É un libro valente, unha historia contada dun modo sinxelo... da mestra que superando obstáculos, exerce con paixón a súa labor nunha España complexa de xentes e acontecementos que imos adiviñando pouco a pouco nestas páxinas nas que o amor pola súa profesión se entrecruza coa vida persoal e os atrancos cotidianos.

A súa estancia na Guinea española tamén é unha parte interesantísima da obra, igual que a etapa da experiencia no momento da República.

Moito falamos, moito debatimos... apaixoadamente sobre este boísimo libro.

LA LECCIÓN DE AUGUST. R.J. PALACIO

Ten varios méritos este libro destinado fundamentalmente ós xóvenes:

-A súa sinxela e multiperspectivística narración, que lle aporta á novela gran amenidade ó presentarnos un mesmo suceso desde distintos puntos de vista dos implicados. 

-Expón dun modo sinxelo un tema que debería interesarnos a todos: as dificultades que o protagonista da historia sofre, debido a unha deformidade física que condiciona toda a súa existencia. 

August vai ó Instituto e alí  enfróntase a un inicial rexeitamento da maioría dos adolescentes (fundamentalmente sinten curiosidade pero fanlle o silenzo ó seu paso) con algunhas excepcións, que lle mostrarán un verdadeiro cariño. Alí coñecerá a amizade desinteresada e tamén a crueldade e aprenderá importantes ensinanzas vitais. A familia, que sempre o protexera e mimara, é vista fundamentalmente na súa directa relación cos seus pais e a súa irmá (que o adora pero que, á vez, se sinte mal polas circunstancias do seu irmán).

Unha historia variada, enriquecedora... de moi recomendable (e doada) lectura para os xóvenes.

De todo iso falamos na Biblioteca na nosa reunión co grupo de rapaces de 1º e 2º ESO.