ROJO EN BALBORDOBIS FEBREIRO

É tan especial este sinxelo  álbum no que se fala de sentimentos, actitudes, diferencias, respeto ós outros... que quixen compartilo co alumnado.

A cera que pinta azul pero leva etiqueta de vermella é a protagonista desta historia que serviu para reflexionar sobre moitos temas: como nos ven os demais, que esperan os outros de min, cando podo ser realmente como son, como me sinto ante o trato que recibo arredor.

Un marabilloso texto.

BALBORDOBIS FEBREIRO

ARTUR E CLEMENTINA EN BALBORDOBIS.

Quedei totalmente namorada deste texto a primeira vez que o lin e inmediatamente quixen compartilo co alumnado. Aínda que aparentemente parece para pequenos a súa profundidade e posibilidades de reflexionar sobre a igualdade fan del un libro especial. Penso que por todo o que falaron os rapaces tamén lles gustou e llo pareceu. Incorporarei no blog o que opinen por escrito sobre o texto.

Artur e Clementina son unha parella de tartarugas que están casadas. Pronto nos decatamos da desigualdade que existe na parella, ela sométese continuamente ós desexos do seu compañeiro e asume roles e obrigas que non a fan feliz por iso tomará unha importante decisión

Un bo libro para reflexionar sobre a igualdade.
 Edítao Kalandraka.

Velaquí os rapaces despois da reunión na Biblioteca.
A xuntanza foi antes de Nadal por imposibilidade de reunirnos en novembro, como estaba inicialmente previsto.

BALBORDOBIS NOVEMBRO

CANDO NON ATOPAS A TÚA CASA. EN BALBORDOBIS

As ilustracións deste álbum recórdanme, en certa maneira, nalgún aspecto da temática, a un libro da mesma editorial (OQO): A grande viaxe.

O medo a medrar, a perderse, a non atopar un lugar definido... en definitiva, a falta de protección do exterior frente ó refuxio da propia casa.

Así comeza o texto:

"Ás veces pérdeste na noite
e non atopas a túa casa.
Por un bosque descoñecido
camiñas sen rumbo.
Non sabes onde ir..."

Libro cheo de metáforas e de símbolos sobre as viaxes ou os camiños que na fantasía ou na realidade hai que percorrer.
E iso fixemos en BalbordoBis... percorrer camiños.

BALBORDOBIS FEBREIRO.

OLA AZUL DE YOO JUN-JAE EN BALBORDOBIS

Gustoume tanto este álbum de Yoo Jun-Jae,  editado en Libros del Zorro Rojo, que inmediatamente pensei en compartir o seu descubremento cos meus alumnos.

As ilustracións en tonos grises contrastan coa forza visual do azul representado polo cabalo, ese ser especial que vai ser domado para combatir pero que ó longo da historia vaise transformar de modo simbólico.
Aínda que non é un álbum curto, creo que é un texto que lles mantivo a atención ata o final.
Déunos para falar de metáforas, do comportamento do cabalo, da simboloxía das imaxes, do posible significado de moitas palabras... 

Un libro para reflexionar sobre o destino, a violencia, a paz e a posibilidade de cambiar.

OLA AZUL DE YOO JUN-JAE EN BALBORDOBIS

BALBORDOBIS. AHAB Y LA BALLENA BLANCA

Marabillosas ilustracións as deste gran Álbum de Manuel Martínez Soler (obra gañadora, xa hai anos, do III Premio Internacional Álbum Ilustrado de Edelvives).

Falamos na reunión da Biblioteca do cazador de baleas que ten o soño de atopar a Moby Dick e aproveitamos tamén para facer campos semánticos de vocabulario, atopar sinónimos de palabras complicadas...
Os rapaces resaltaron, moi ben, que o personaxe estaba obsesionado cunha idea e que por iso en todo o álbum se vían baleas por todas partes.
A búsqueda é infatigable. Os problemas cos que se atopa o protagonista: moitos. O final deducírono facilmente.
Contemplamos ilustracións, fixáronse nos mínimos detalles que lles chamaron a atención... A ensinanza final: as obsesiones poden impedirnos ver o que está diante dos nosos ollos sen percatarnos.

E desta reunión saiu o seguinte álbum que imos comentar: Cuando cantan las sirenas de J.C.Román e Zuriñe Aguirre (fun readers). Dende o curso pasado (en BalbordoBis) tento que dunha lectura salga outra interconectada nalgún aspecto, ben por contraste ou por semellanza... Descubriremos que relación temática pode ter co anterior texto.

EL LÁPIZ MÁGICO DE MALALA EN BALBORDOBIS

Quen é Malala? Deso falaremos o mércores na Biblioteca.
Espérovos o mércores...

E, feita a reunión, falamos de quen é Malala, que fixo, onde vivía, que dificultades teñen as nenas coa educación... Tamén o relacionamos con outros libros que lemos e comentamos noutras reunión de BalbordoBis.

EL IGLÚ. BALBORDOBIS

Na anterior reunión de BalbordoBis falamos de El mapa de los buenos momentos. Antes de iniciar a reunión deste mes (que foi en maio) recordeilles que lles mostrara Refugiada (libro do que falaramos en PMAR) e pedinlles que relación podía haber entre eles. A continuación, contrastámolo con este álbum de J.López Moya e Zuriñe Aguirre (ilustrador do que xa comentaramos o estupendo Martín Gris).

É unha reflexión impactante sobre a invisibilidade á que  moitas veces toda a sociedade somete á xente que nos rodea e nos que non se repara nin un momento. É un alegato contra a indiferencia e creueldade que  frecuentemente está presente na sociedade, cada vez máis egoísta, insensibilizada... con tanta traxedia que nos fai nin pararnos un momento a pensar. Nun pobo, de repente, aparece un iglú, que atrae a atención de todos pero de repente o novo substitúese por total indiferencia.

Encantoulles... En breve, nos deixarán os seus comentarios.

Grazas a Carmen por querer saír na foto cos tres libros despois da última reunión do mércores!!!

MARTÍN GRIS. ZURIÑE AGUIRRE. EN BALBORDOBIS

Na editorial Fun Readers está editado este fabuloso álbum de Zuriñe Aguirre do que falamos no grupo de BalbordoBis contando coa axuda do Departamento de Orientación do centro.

Martín é un neno sempre preocupado polo que lle poda pasar e por como reaccionarán os que o rodean. Inquiétalle que lle podan saír ramas, por exemplo, que lle medre tremendamente o nariz... pero para todos os seus medos a súa nai ten unha estupenda resposta. 

Un fermoso canto ó respecto e ás diferenzas.

E todos rematamos falando en BalbordoBis dos nosos medos, das inquedanzas, dos sentimentos que nos provocou a lectura e as imaxes...
Os rapaces contarán a súa opinión...

EL AUTOBÚS DE ROSA. FABRIZIO SILEI-MAURIZIO A.C. QUARELLO

Un impresionante álbum, editado en Bárbara Fiore foi o elixido para reunirnos en BalbordoBis coa colaboración do Departamento de Orientación.
Quen é o avó que leva ó seu neto a un museo?
Por que lle ensina un autobús?
Quen é a muller da imaxe? Que fixo?
Son algunhas das preguntas ás que demos resposta na reunión co grupo dos atentísimos rapaces de BalbordoBis.
O avó dá ó seu neto unha lección sobre tolerancia, racismo e, especialmente, a loita polos dereitos humanos.

O ancián cóntalle ó seu neto como Rosa, unha muller negra que en 1955 ocupou un asento dun autobús e se negou a erguerse para que o ocupase un branco - Rosa Parks- conseguiu con ese xesto que se reflexionase sobre unha lei inxusta e se actuase en consecuencia.

Xuntos reflexionamor sobre a importancia de pequeños xestos valentes que poden cambiar o mundo.

Na contracuberta pode lerse:

 "Siempre hay un autobús que pasa en la vida de cada uno de nosotros. Tú mantén los ojos abiertos, no vayas a perder el tuyo".

DIFERENTE. J. LEDORZE-C. RÉMIART.

É fascinante este álbum no que prima a defensa da individualidade e das diferencias frente ás críticas dos que pensan que todos teñen que comportarse dun modo totalmente previsible.

A amizade incondicional e a tenrura son valores moi presentes neste recomendable álbum que leron os alumnos de BalbordoBis e que comentamos apaixoadamente. Tamén nos deu para falar dos comportamentos que se axustan ou non ás normas, das convencións, da amizade...
Gustounos moito a todos!

EMOCIONARIO. DI LO QUE SIENTES

Non é frecuente referirse ás emocións nin reflexionar sobre elas. Neste libro editado en Palabras aladas, dásenos esa oportunidade por medio de varias posibilidades: definicións, a proposta de xogo e  unhas ilustracións que acompañan a cada unha das palabras definidas...

Amor, ira, nostalxia, incomprensión, hostilidade, asombro, gratitude, medo, confusión... son algunhas das emocións deste particular dicionario.
En BalbordoBis disfrutamos moito comentando ilustracións, sentimentos e as nosas experiencias particulares. Unha hora moi, moi entretida.
E aproveitamos para facer outra preciosa recomendación: Laberinto del alma.

FAMILIARIO. MAR CERDÁ en BALBORDOBIS

Edita Comanegra este divertidísimo álbum de Mar Cerdá no que cun sinxelo cambio nalgunha das 15 láminas pódense crear moi diversos tipos de familia.
Unha boa maneira de imaxinar e debatir.

CAPERUCITAS EN BALBORDOBIS

Na reunión cos rapaces de BalbordoBis disfrutamos moitísimo cun par de historias sobre Caperucita. Unha delas foi o libro Lo que no vio Caperucita roja,de Mar Ferrero, simpática versión do conto clásico no que se ven os distintos puntos de vista dos protagonistas da historia. Un bo modo de facernos reflexionar sobre as distintas perspectivas que ofrece unha mesma realidade.

E tamén traballamos con Una Caperucita rojaOtra Caperucita roja (de Leray Marjolaine). Neste caso sobresalen o grafismo e a esquematicidade dos personaxes, a brevidade e a aparente sinxeleza dos trazos...

Unha interesantísima versión do conto (editada en Océano Travesía), que podedes ver neste vídeo de Youtube que atopei en internet.

EL TALLER DE LAS MARIPOSAS EN BALBORDOBIS. GIACONDA BELLI

Marabilloso e optimista Álbum de Giaconda Belli que elixin para compartir nunha sesión cos alumnos de BalbordoBis e coa colaboración do Departamento de Orientación do centro.

A búsqueda da beleza e dos soños pode ser posible, pode haber incomprensión ó redor, dificultades e normas ríxidas establecidas pero hai que loitar polo que un quere. Porque cando un está seguro do que persegue, nada o detén.