O alumnado de 1º e 2º da ESO reuniuse hoxe co fin de poñer en común a lectura de
O misterio dos fillos de Lúa de Fina Casalderrey, un clásico da nosa
literatura infantil e xuvenil. O numeroso grupo de participantes concordou en
que se trata dunha novela do seu agrado e que llela recomendarían aos seus
amigos, coñecidos e, en especial, aos amantes dos animais.
Os estudantes reflexionaron sobre o misterio que esconde a obra e
os plans que ideaban os protagonistas co fin de desvelalo. Recordaron os
momentos máis cómicos da novela, aqueles que máis lles gustaron e os que menos.
Tampouco quixeron despedirse sen imaxinar como podería ser a vida dos
protagonistas no futuro.
No hay comentarios:
Publicar un comentario